ព័ត៌មាន
សិក្ខាកាមជាស្រ្តី វាយតម្លៃខ្ពស់ ចំពោះវគ្គបណ្ដុះបណ្ដាល ស្ដីពីភាពជាអ្នកដឹកនាំ ដែលរៀបចំដោយសមាគមការពារសិទ្ធិការងារ
ភ្នំពេញ៖ សិក្ខាកាមជាស្រ្តី បានវាយតម្លៃខ្ពស់ ចំពោះវគ្គបណ្ដុះបណ្ដាល ស្ដីពីភាពជាអុនកដឹកនាំ ដែលរៀបចំឡេីងដោយសមាគមការពារសិទ្ធិការងារ (LPA) ដែលត្រូវបានធ្វេីឡេីង
នៅមជ្ឈមណ្ឌលកិច្ចសហប្រតិបត្ដិការកម្ពុជា-ជប៉ុន (CJCC) នៅថ្ងៃទី០៩ ខែមេសា ឆ្នាំ២០២៣។
ដោយមានសិក្ខាកាមចូលរួមប្រមាណជាង ៤០នាក់ វគ្គបណ្ដុះបណ្ដាលស្ដីពីភាពជាអ្នកដឹកនាំ របស់សមាគមការពារសិទ្ធិការងារ ត្រូវបានបញ្ចប់ដោយជោគជ័យ និងសិក្ខាកាមទទួលបានចំណេះដឹងជាវិជ្ជមាន។
ប្រធានសមាគមការពារសិទ្ធិការងារលោក យ៉ាំ ថៃសាន បានសម្ដែងភាពរីករាយ និងការកោតសរសេីរចំពោះវតុដមានចូលរួមពី អង្គការដៃគូ សហជីព ដែលបានចូលរួមក្នុងវគ្គបណ្ដុះបណ្ដាលដ៏មានសារៈសំខាន់នេះ។
លោក យ៉ាំ ថៃសាន បានលើកឡើងថា ភាពជាអ្នកដឹកនាំ ពិតជាមានសារៈសំខាន់ណាស់ក្នុងការដឹកនាំមនុស្ស និងការទំនាក់ទំនងរវាងមនុស្សជាតិ ដូច្នេះអ្នកដឹកនាំគ្រប់រូបត្រូវតែបណ្ដុះខ្លួនឯងឲ្យមានភាពអ្នកដឹកនាំឲ្យបានខ្លាំង។
ភាពជាអ្នកដឹកនាំ សំដៅដល់សមត្ថភាពរបស់បុគ្គល ក្រុម ឬអង្គការ ដើម្បីដឹកនាំឥទ្ធិពល ឬណែនាំបុគ្គលផ្សេងទៀត ក្រុម ឬអង្គការទាំងមូល ក្នុងន័យនេះលោក យ៉ាំ ថៃសាន បានលើកឡើងថា តាមរយៈវគ្គបណ្ដុះបណ្ដាលនេះ នឹងធ្វើឲ្យសិក្ខាកាមចូល ស្វែងយល់កាន់តែច្បាស់អំពីដំណើរការធ្វើឲ្យមានឥទ្ធិពលក្នុងការគ្រប់គ្រង ការបង្កើតបរិយាកាសការងារមួយសមស្រប ដើម្បីឲ្យបុគ្គលិក ឬស្ថាប័ន បំពេញការងារសម្រេចបាននូវគោលដៅរបស់ខ្លួន៕
